أفخاذ بيبي بالأنناس والشريحة

بسم الله الرحمن الرحيم
السلام عليكم ورحمة الله وبركاته
طبق بافخاد بيبي والشريحة واناناس والمشمش والكركاع
المقادير.
عندنا فخاد بيبي مقطعين بالالة اللي عند الجزار على شكل دوائر حوالي2كيلو ونصف حك ديال اناناس +ربعة شريحة+ نصف ربعة مشماش +كاس كركاع +كاس صغير سنيدة+البصلة1مشلظة+الثومة2فصوص+الملحة +لبزارنصف مع ص +معلقة ص سكين جبير+القرفة 8دالعواد +شويادالزعفران الحر+راس الموس قرفة مدقوقة +معلقة صغيرةسمن مدوب +نصف كاس صغيرزيت المائدة+كاس دالعنبة ماء +3معالق زبدة
الطريقة
كنحط البصلة مشلظة فالطنجرة نزيد عليهاالسمن المدوب فخاد بيبي نشحرو هم شويا بوحدهم عاد نزيد عليهم العطرية ندير الكاس دالماء نخليهم يطيبو على نار مهيلة
ندوزو باش نحضرو باش نزينو الطبق ديالنا بالفواكه الجاف
كنعسلو اناناس بالماء اللي فيه مع 2اعواد القرفة معلفة1 زبدة ص
كنعسلوالشريحة بسنيدة مع شويا دالماء و2اعواد قرفة معلقة 1زبدة ص
المشمش حتى هو بنفس الطريقة مع 2عواد قرفةمعلقة ص زبدة
اوا مللي يطيبو الفخاد يمكن لينا ندخلوهم الفران يتحمرو عاد نحطهم فالطبق التقديم انزينهم بشرائح اناناس فوق منها شريحة ومشماشة نصف كركاعة اللي عسلناه مع المشماش في ايناء واحد ونقدمه بالصحة والراحة